September 22, 2021
Gujarat Network
નવસારી

બીલીમોરા દેસરા મામાદેવ મંદિરે પૂજા કરવા જતા પલ્સર સવાર જીતેશ રાઠોડનું જેસીબી ની ટક્કરે કરુણ મોત

બીલીમોરાનાં દેસરા મામાદેવ મંદિરે મંગળવાર સવારે પૂંજા કરવા નીકળેલા બાઇક સવાર યુવાન જેસીબીની ટકકરે ગંભીર રીતે ઘાયલ થયો હતો. આ અકસ્માત ના ફોટા સોશિયલ મીડિયામાં વાયરલ થતાં અરેરાટી વ્યાપી હતી. દરમિયાન ટૂંકી સારવાર બાદ બાઇક ચાલક જીતેશ રાઠોડ નું કરૂણ મોત સામે આવતા સમગ્ર ઓરિયા મોરિયા વિસ્તારમાં શોક પ્રસરી ગયો હતો.

બીલીમોરા દેસરા સ્થિત ઓરિયામોરિયા વિસ્તારમાં બરોડીયાચાલ માં રહેતો જીતેશ સુભાષભાઈ રાઠોડ મંગળવાર સવારે નવેક કલાકના અરસામાં દેસરા ફાટક નજીક મામાદેવ મંદિરે પૂંજા કરવા નીકળ્યો હતો. પોતાની પલ્સર મોટરસાયકલ જીજે.૧૬.એએ. ૩૧૧૪ ઉપર મંદિર નજીક પહોંચ્યો હતો. તે વેળા સામેથી આવતા જેસીબી નં. જીજે ૧૬ એ એ ૨૦૦૧ ટક્કર મારી હતી. જેસીબી પાવડા નો દાંતો જીતેશની છાતીમાં જમણી પાંસળીમાં બાજુ ઘૂસી જતાં લોહીલુહાણ હાલતમાં બાઈક ઉપરથી પટકાયો હતો. જેને ૧૦૮ એમ્બ્યુલન્સ દ્વારા બીલીમોરાની ખાનગી હોસ્પિટલ બાદ વધુ સારવાર માટે ચીખલી ની ખાનગી હોસ્પિટલમાં ખસેડાયો હતો. જ્યાં બુધવાર વહેલી સવારે તેનું સારવાર દરમિયાન કરુણ મોત નીપજયું હતું. જેને પગલે ઓરિયા મોરિયા વિસ્તારમાં શોક પ્રસરી ગયો હતો. જે સાથે પત્ની અને વિધવા માતાએ જીવનનો આધાર ગુમાવ્યો હતો. સમગ્ર મામલે મૃતકના માસા બચુભાઈ છોટુભાઈ રાઠોડ(૪૮) રહે. મોરિયા મોરિયા એ બીલીમોરા પોલીસમાં ફરિયાદ આપી હતી. જેની વધુ તપાસ સેકંડ પીએસઆઇ ચૌધરી ચલાવી રહ્યા હતા.

Related posts

નવસારી સંસદીય મત વિસ્તારની ભાજપની ટીમ બધા પડકારોનો સામનો કરવા સક્ષમ: પ્રદેશ પ્રમુખ સી.આર.પાટીલ

Gujarat Network

ચીખલી માં ત્રણ કોરોના પોઝીટીવ આવતા તંત્ર દોડતું થયું.

Gujarat Network

ચીખલીના વંકાલ ગામે ૬૫-વર્ષીય વૃધ્ધને કોરોના પોઝેટીવ આવતા સારવાર અર્થે નવસારી ખસેડાઇ.

Gujarat Network

જાણો નવસારી માં કેવી રીતે વૃદ્ધે ગુમાવ્યા 10 લાખ રૂપિયા

Gujarat Network

બોલિવૂડ સ્ટાર કપલ નવાબ શાહ- પૂજા બત્રા બીલીમોરા દેવધા ડેમની મુલાકાતે

Gujarat Network

ચીખલીને નગરપાલિકા બનાવવાની માંગ ફરી ઉઠવા પામી.

Gujarat Network

ટિપ્પણી મૂકો